afbeelding van het artikel

Wethouder Arend ten Oever Meinsen neudig as Rieks Siebering in wiedere ontwikkeling Dreinse taal H.C. 16-12-1988

Wethouder Arend ten Oever:

Meinsen neudig as Rieks Siebering in wiedere ontwikkeling Dreinse taal

HOOGEVEEN - Dizze weke was in het gemientehuus de anbieding van het eerste exemplaar van de eerste gedichtenbundel van de Drentse schriever Rieks Siebering. Dat eerste exemplaar kreeg wetholder Arend ten Oever. Veurzitter Marga Kool nuumde het verschienen van een neie gedichtenbundel een hiele gebeurtenis veur

de Stichting Het Drentse Boek. Dat zôlfde geldt ok veur het Projekt Drentse Taal en Cultuur, waorvan veur de leste keer het „gedicht van de maond" weur presenteerd. Het gedicht van de maond, veur de dartiende keer, was ok van Rieks Siebering.

Eerlijke poezie en naor Drentse begrippen ongekend vrijmoedig. Gedichten mit een hiel eigen en hiel persoonlijke toonzetting.' ' Zo typeerde Marga Kool het wark van Rieks Siebering. „Vanof zien eerste publicatie in het blad Roet hef een aantal mein-

sen an evuuld, dat hier sprake was van kwaliteit. Daoruut bliekt, hoe belangriek een goed literair tiedschrift is", aldus Kool.

„Rieks Siebering wordt binnen Drente as iene van de miest veulbelovende dichters beschouwd. Verlangen, liefde en ommacht bint leidende thema's in zien wark. Zien poezie is eigentieds en direct." Marga Kool bedaankte het gemientebestuur van 't Ogeveine veur de belangrieke subsidie, waordeur ok meinsen mit een kleine beurs dizze vôrm van kuunst in huus kunt halen. Binnen de provincie is het ok op eval-

len, dat in 't Ogeveine regelmaotig espreuken wordt aover cultuur. Kool nuumde in dit verbaand de inzet van de cultuur-ambtenaar Johan Valk, Rieks Siebering, in 1941 geboren in Nei Baoling, wonend in 't Ollandscheveld en warkend an 't Ogeveine as directeur van de VSO-schoele an de Jacob Catsstraote, sprak aover de invloed van de redactie van Roet op zien oezie. Een slechte zaak nuumde hij ket, dat het Radio Noord programma Mandieleg Ver 1 januari of elopen is. Egbert Meijers, de neie beroepskracht van het Projekt veur Drentse Taal en Cultuur, zee het gevuul te hebben, hier vanaovend zien eerste ei te leggen. Het affiche-projekt van Drentse poezie is op ezet, zee hij, um meinsen in Drente te stimuleren, kennis te nemen van heur eigen cultuur. Samen mit de wetholder hung hij hiernao het „leste gedicht van de maond ' op an een paneel. „Wat mankeert luu, um heur te schamen veur heur eigen ofkomst?"vreug Arend ten Oever. „In wezen schaamt zij heur veur heur eigen ofkomst of nog slimmer: zij schaamt heur veur heurzôlf. " De wetholder herinnerde er an, dat de gemienteraod van ’t Ogeveine oktober in de cultuurnota uut espreuken hef, dat de gemiente meer an streekcultuur giet doen en dat het behold en 't meer gebruken van de Dreinse taal daorin een belangrieke stee zal innemen. Volgens de cultuurnota mut de Dreinse jeugd heur eigen taol blieven praoten. Daorumme wil

de gemiente de schoelen bij het streektaolbeleid betrekken. In de wiedere ontwikkeling van de Dreinse taal, zo zee de wetholder, hebt wij meinsen neudig zo as Rieks Siebering. Zij leert oens, hoe mooi oenze eigen taal kan wezen. Ok hebt wij daorbij instituten neudig, zo as de Stichting Het Dreinse Boek en de Culteriele Raod veur Drente. Daorumme en niet veur de eerste maol hef de gemiente besleuten, um ok veur de bundel van Rieks zien gedichten een financiële bijdraoge te geven. Rieks,

jong, zo besleut hij, wij as gemiente bint wies mit meinsen zo as oe.

Deze website gebruikt cookies Informatie